luns, 20 de decembro de 2010

Jafar Panahi, condenado a seis anos de prisión



Seis anos de cárcere e a prohibición de dirixir filmes e de saír do país durante as próximas dúas décadas: ese é o castigo que a xustiza iraniana lle impón ao cineasta por opoñerse ao réxime de Mahmoud Ahmadinejad. Segundo podemos ler no blog de Serge Toubiana, de acordo aos artigos 610 e 500 da lei penal islámica Jafar Panahi foi condenado a cinco anos de prisión por "conspiración contra a seguridade da República Islámica" e outro ano máis "por propaganda contra a República Islámica". O tribunal aplica ademais o artigo 19 do código penal iraniano para quitarlle durante os próximos vinte anos o dereito de dirixir filmes, escribir guións e conceder entrevistas á prensa nacional ou internacional. Panahi terá igualmente prohibida a saída do país, a non ser para facer peregrinación á Meca ou para someterse a tratamentos médicos de emerxencia.

Ningún comentario:

Publicar un comentario